Nossa dirigenta

Flavia Walder

Flavia Walder viva cun sia famiglia a Sevgein. Siu lungatg mumma ei Romontsch, en quei lungatg conta ella era il pli bugen. Tgei lungatg che vegn cantau en ils chors ch'ella meina ei denton secundar, pli impurtont ei ch'ei vegn cantau cun slontsch e plascher.

Flavia Walder ha frequentau suenter la matura alla claustra da Mustér, la scola aulta d'art a Turitg (ZhdK). Ella instruescha ritmica ella scoletta e cant sil scalem primar ella scola da Flem. Flavia Walder diregia il "Chor d'affons Sumvitg", igl ensemble da giuvnas "PiCant" ed il Chor mischedau da Sevgein, Ella conta el Cantus Firmus Sursevla e s'engascha sco commembra da suprastonza ell'uniun "La chanzun rumantscha" per il manteniment ed la promoziun dil cant  e la musica romontscha.